জিঞ্জিনির এলা

এতা হাবি জিঞ্জিনি থাইতে।
জোনাকহানৌ কিয়া গজে কাইতে।।
আমরে’ল নাইলেতে আধার অয়া থাক।
হাদিৎ তি গজে কায়া নাঙ পানা না’ক।।

সেনারূপরে নিন্দা করেছি ঔতারে

গুরিয়া লেহাওজার বন বতা লতে।
মাতেছি আমার সাদে আছি কইগতে।।
আকদিন মানু আয়া কাপে দিলা লত।
শাতৈল লেহাও বার বিলা বিলা গৎ।।

গগা রাজার এলা

আমার কহা এগরাংত ডাঙর সাগর নেয়ছে।
আমার রহন হুনতেগাতে আরতা হাবি লেয়ছে।।
গাতগ বুজে ডাঙর অয়া আছু এহান নাখেখলাই।
করিল কামতে আকতাউ নেই. মেইক্খু অয়া কৌলিত থাই।।

এবাকাউ মেঘ

ফিচারড

5100_123948419045_4568043_n

এবাকাউ মেঘ তোর সালে পৌ নেরগাতা অলকাৎ
কতি দেশ, কতি সময় লালয়া মিলন স্বর্গহানাৎ
আহির পানিল তিঙিয়া আছৎ, ফুলর লেহেয়া দিন,
বিরহ লালয়া পানা নাই তোরে, এপেই নেয়ছে চিন।

চারিবেদে আজি মত্ত বরণ, বিজুলীও ঝলকার
দুঃখহানরে গাঢ় করিয়াও কাদিয়া কাদিয়া থার।
দ্ব’গীর আহিৎ জঙের পানিয়ে সমুদ্রজান অছে,
এপারে মি আছু, কতিঔ  দুরেয়ে তোরো কাদুয়েয়া থছে।