গাঙ দ্বিয়হানির বুকগৎ কাটাতারর বেরে
য়মদিয়া আছে রিফিউজি লত্
চিকফেইর সাদে গজেৎত লাল্লাম ঠুনিংস্বা, খৌরাঙ
বার পাংকাল
আবেরা বৌহান মুঙেদের পৌ নাপাছে
দ্বিয় বারার লামুই-কুকুর শিংলুপর এলা দিতারা
ৱাইসাঙনি! কুংগদেথাং?
জ্বির মেইপুল হাবি বাসেয়া আছি জিনজিনির সালে।
ৱাইসাঙনি! আহেই, সালইক
বৌবুলন আহের।
খৌরাঙলো পুলসি মানুর ঠাচা-মিল্লেঙর
লেই-চন্দনল’
আমি মুঙামুঙি উবা অইলাং।
“আগর হাবিতা পাহুরলু। ওয়াশাক”
“আজিত্তপুরি আকসাটে চলতাঙায়।”
. -মি নিংস্বা-আহানাৎ মাৎলু।
তি যান্ত্রিক খংচেল, আগল’ মাৎলে – “মি”য়ৌ।
হাবিয়ে হারৌ অয়া দেখলা মুকসিহানল’
আগয় আগর আত দরলাং।
আমি দ্বিয়গী হারপাসি
আমার হৃদিগৎ কোন ঠার না নুকুলেসে-
য়েকনাপাগয় বাদিয় থসে আমার আতহানি।
. কনভেনসন অভিনয় আরতা
. কয়দিন চানা, লেহাউ!
(কৈলাশহরে অনশন করেছিলা হাবি মানুরে নিঙে থয়া)
চেঁফুগৎ পকে-কাপেছি ইতিহাস-করপেখ, আতর কুরুৎ লেইরা
কাকেইহানলেহে কেলর খৌরাঙ
মাতাম লেঙকরের এপিটাফ
শব্দ দে চৈতন্য দে
তানু কাদলা হকচেলয়া।
শব্দ দে, চৈতন্য দে এর কেচুয়ার গারিৎ
তুলশীপুঙে যানার আগে
আকমাউ হাগর মাচু, অক্ষর ব্রহ্ম, আয়ুজ্ঞানে
আহির পানি জঙক!
ফাজাবি-শব্দর মুরকী ইমার উঠানে, তানু উপছিলা।
কাদাৎ আয়া য়ারি দে
মারিহাস দরিয়া উসুল।
শ্মশানে পারেঙে পারেঙে চিতা পুড়ের।
কঙালা ক্যাকটাস রকতে হিনিলে
চারিবারা সেঙইতই।
ডর হাব্বিরতাউ থার
মিহুলগর মারিগিৎত রমে রমে। থার বুলিয়াই
বারে বারে লেইমাঙর কনাকর পবিত্র লেইসাঙ।
লাগছে আঙারা বিতরে বারে বারে
ডর হাব্বিরাঙই থার রকতে বারো নিঙে।
পাংকাল এরে থার বার যারগা।
ঘাটহান লালইলে হাববিউ মান্না
মাঙকরানির ডর হাব্বিরাঙউ থার
থার বুলিয়াই
তোর আতর তারাহানাৎ শাতয়া থার
জিংতা অনির লালফাম!
কুঙ্গই নিকুলতৈ পরিক্রমাত হিনপেয়া
মানুর বিতরে মানুহাবি চকথা আজিকা
বাপকর হাকতাকেত্ত মাতাম লেপয়া আসে কদমজারর তলে
অউনানেই য়ারির সাদে খেলতাম বুজেয়া আমার
বাগা গর, ছাতিরা লেইসাঙ, মতপা মেয়েক…
গেলগামারি পেয়াউ আকসাটে আহে নুয়ারেসি
থামপালগর সাদে শা’ত নুয়ারেসি
মানুর বিতরে মাঙসি মানুহাবি
হঙকরা হারৌল বাবুয়ানি
শিরাপহার সাদে লাল এহান সিতারার
বুজনরাঙতো শৌরাঙ!
[কাব্যগ্রন্থ: ইশ্বর মাঙসে মেইথঙে]
