ঘুমহান বাগানির পিছেদেউ

brajen
ঘুমহান বাগানির পিছেদেউ
হপনহান যানা নাকরিয়া

ফামহানর কোন আগেদ পড়িয়া থাইল।

যাগা বুলতে মাতের

থাইংনে কাদা আগদে পড়িয়া।
নাইলে তোর ঘুমাহানাৎ লুকেয়া থাইংগা

ঘুমর হাদিতৌ আকখুলাগ নাইবেতা।

যানার পরে

তোর গারিগর এরে ইঙ গৎ বুলে বুলে আহেছিলি বুলিয়া এপেই
পথর মানুয়ে কতি য়ারি দিলা-
সেঙ পানিহান অয়া চেপছিল হৃদির কাদাৎ
নুঙেই অছিল আগ ফুল; বেলিহান প্রেমিকর সাদে গলিয়া পড়িল।
আটিয়া গেছেগা কুঙ্গ। তার জাঙর ধুলিয়ে মাম গোধুলির
পথে পথে আজি সালংঙ
এপেই! না, আরাকো দুরেই!
উহ জনমর নুংশি, অমাটিক নাবেড়েয়া।
দুঃখর বাগানে আগ প্রজাপতি বুলিয়া গেছেগা ইচুদিন
আহ পেয়া হজাক নাছিলা।
এপেই আইলু দিনে মাতেছ কথাতে কিয়া
পাহুরিয়া আছিলাই মাতো!

দুঃখ

ফিচারড

শূণ্যহানাৎ শব্দ আগরে মাৎলুঃbrajen
যাগা, থামপালগ অয়া শাতগা।
নিঙল আগরে মাৎলু- যাগা,
ঔগর লগে চন্দ্রকলার সাদে পারাহান দিয়া উবা
অগা।
তোর মেইথংহানাৎ জঙক লিক লিক করের
আহির পানির বিন্দু আগ।
ঔতার ঢউগৎ স্মৃতির সাদে নিক্করতৈ
থামপালগ।

থামপালগ! তোর নাঙহান কিহান?
ঔগৈ বিষাদর হাদিৎত মুকসিহান দিয়া মাৎল-
মোর নাঙ- দুঃখ। মোরে নাচিনর থাং!
কনাকত তোর মারূপ অয়া আছুগ।

ডিগল আতহানল মোরে

ডিগল আতহানল মোরে
মাঠিয়া দিতেই বুলেছিলে
এবাকাউ আছু বাছেয়া। ছেয়াগৎ আছে সিংহাসন।

ফুলকুমারীর স্তন, বিশাল উরৎগীৎ
জোনাকর মিঙাল পড়লে, মিতে মাচিগর সাদে
বুলে বুলে থাউরী। স্তন মানে কনাকর স্মৃতি।
কার নাঙ ফুরকুমারী এবাকাউ নাচিনেছু!

ইচুদিন আকখুলাগ আছু।

রাজপ্রাসাদর মুঙে সরোবর। উপেই শাতর ফুল। হুনেছিলু।
শ্বেতপাথরর নগ্ন ফুলকুমারীর অঠে চুমা দিলে
ঠইগ পেইতেই বুলেছিলা। মুঙেদে! না উত্তরর সপ্তর্ষি ঙালর
হাড় আহানর তলে রাজপ্রাসাদর স্থির ফুলকুমারীরে
হায় প্রেম না চিনাদেছৎ!
ঘুমজিলে পানার কথা। ডিগল আৎহানলো মোরে আহিগৎ
এবাকাউ গুম না ডাহেদেছৎ।

এবাকাতে জীবনর ঋণ হুজানি পুল্লাপ করে।

সিংহাসন চারিয়বারাদে কোর সিঁড়ি নেই।
বুদ্ধর আতাহানাৎ রকতর দাগ, আতহান নিক্করের,
নার্স ত্বরা করে আই। নার্স না ফুলকুমারী!
ডিগল আতহানল মোরে মাঠিয়া দিতৈ বুলেছিলী
মি কাদাৎ চেপনি নুয়ারলু। ফুলকুমারীর আহিগীৎ
স্তন বার বিশাল উরৎগীৎ
আছেতা আশ্রয়। মিতে মাচিগর সাদে বুলে বুলে আছু।