লিঙ্গুয়িষ্ট

deb‘খ’ত্ত খচ্চ, মতান্তরে খচ্চর:
‘খচ্চ’ত্ত খাচ, ‘চ’ আগো চচাগো করিয়া
‘আ’র আগমন;
‘খাচ’ এত্ত খাজ, খাচাখাচি করতে করতে:
‘খাজ’ এত্ত খাজুকুরি,
বিভক্তির তুলো চুক্তিবদ্ধ অয়া।

খাজুকুরির মর্ম হারপাসে
ডুফা ইতাউ গিরকরে
নিংশিং নায়াতে নুয়ারলু।

Advertisements

ভক্তি বিশ্লেষন

মিল্লেঙহানে মিল্লেঙহান বিদেয়া মাতলু
মিতে তোর কৃপালব্; লাইক্ গ না?
হেইরাপ মুকসি হানল
মোর আরাধ্য দেবতা
নারায়ণ
নিরায় নিরুত্তর নির্বিকার।
হারপেইলু,
“মৌনম্ সম্মতি লক্ষনম।”

দেহুরি তোরে

লেহাউবী হয়ত তি আধার রাতিত
নিকুলেসি কতি তেরা হাগহান চেয়া
পূর্ণিমার জোনাকে নাইলে বহেসত
কিসাদে মারূপর কথা খালকরিয়া।

বের’সত নাইলে পিনপিনি বরণে
লেহেইতে লিকলিক পানির ফোটা
হয়ত বা বিভোলা নুঙেইপা হপনে
বেলাসত সিতারেয়া হারৌপার কৌটা।

বুলুরি হয়ত নুয়া ফুলর বাগানে
মাতুরি ফল’রে আকতা মনর ব্যথা
আহুরি বারো হারৌয়ে; কিন্তু তোর মনে
আনেসিলে কুনোদিন মোর কুনো কথা!

মিতে কিন্তু হামেশা দেহা পাউরি তোরে
কি গাছে কি ফলে কি আধারে কি পহরে!!

পিক্সি

আচানক রউহানে উঠলু আকতা
গেলুগা মি আকখুলা তুফিঙ-নাফিঙ
দেখলু নিঙল আগো নাচিনু সাকতা
আকখুলি বয়া, কোনবেদে নেই নিঙ।

দেখলো তেই দিলো মাতনেই ডাহানি
গেলগা কাদাৎ, অইলু মি নুমপাঙ।
হুদ্দা আমি দুগো, নেই কোন টটরানি,
ঙাইলি মোরাঙ, হপন না টেইপাঙ।

থাইলু কাদাত বয়া চিনানির সালে
মানুগ, দৌগ না পরীগ; লমৈতে রাতি
বেলীর ফেৱালী কালাচিঙখি-মিঙালে
চিনলু হবা করে  – দেখলু হবা কতি।

পাঙ্কালপা মিত্তাহান ঠুম অটে মুক্সি
তুলতুলা নুঙশিপী, পাঙসিঙ পিক্সি।