মালঠেপর এলা

আরতে কতি মালঠেপ আগৎ ‘চিপাচিপি’ বহানি
লেরিক হুনাৎ বয়া বয়া ‘আহির পানিয়ৌ পুছানি’;
‘মৃতা’ আগ ‘নাইলে নাইব’ আমার ‘মহৎ ফুরতি’
‘লন্ড ভন্ড’ করিয়াহে নায় ‘দক্ষযজ্ঞ’ পুরতি।

য়ারৌ

হপনে-হপনে ইমা। উঠানে বহে’য়া
মাঠিয়েয়া চুলে মোর এ গালে, নিরালে
নিরলে কাদুরি তিতে কিহান মনেয়া?
থাক তোর কানানেই বান। থেদেসিলে-
মোরে তিনা হ’ বনবাসে, কিতার ত্রাসে?
কনাক-পাগল-শৌগ’ অনাথ-অবুঝ,
বনর কঠিন পথে মাম-পরবাসে
কুরাং কিহান অইল করেসিলে খুজ?

কতকাল-অমারাতি হারা-নিদ্রা-ইন্দু;
আনৌগ’ চরণতলে অহল্যা-মাটির-
নিবেদিয়া দেহাগর তাঙ-রাঙাবিন্দু
তোর পটা পাসুতাহে জোনাক থাচির।
হপনে-হজাকে তেব’ পেইলে “হোভাতা”
অজান্তে কাদের রিদি- “মণিপুর নাতা!”