মাটির মানুরে চেয়া

কামধেনুর লগে লকহান অয়া
হাকমাটি আটতে… আটতে…
আজি বাক্কা কত বসর
হিকিয়াও হিকে নুয়ারলু
হরপর সাদে পটানি সর
আলুর খেতিত উবা করেসি
দৌ উগর তুল
আপ্পানে কৌলি করে বেললু
হিংগালাহান বাধিয়া হিচিং বুলিয়া
লংগেইহানর হুৎগত্ত
উজানেদে বুলাদিং বুলিয়া
কতউ ধাবদা ফালদি করলুথাং
….হৌরে….. হৌ….

মাটিত জরম,
মাটিত মরন
মাটির মানুর তুল
বলে বুলে থাং —

পৃথিবীহান শংতানরাং
নামজারী করানিৎ
লেপসি মানুর তুল
মঙামুঙি যুদ্ধঃ
যুদ্ধতে অনিবার্য
হু…. আদিত্ত….