বিষুর দিনে

বিষুর দিনে
দসু খেলেই
আগদে মুনি
আগদে জেলেই

চিৎ চিৎ চিৎ
নিকুল তিরিশ
ছক্কা ‍! পচিশ ! ছক্কা !
গুট্টা !
হকে ডিফলা
বয়া থাইলা
নিঙল অইলা বক্কা
অগগা !

খমকরেকুরা: কাঞ্চনবরন সিংহ

অজ্ঞান আধারর মা (এলা)

অজ্ঞান আধারর মা..
গুমজিতাই কতি।
উঠ আজি হাবিহান
জ্বালিয়া চেই জ্ঞানর বাতি।।
নাদেহিসি উতা
মাতিয়া করতাং কিতা
নিজর কাদার যেতা
চেইতা আজি ঔতা।।
হুরু জাতে ডাঙর অয়া
তলইলাঙ ক্ষত্রিয় জাতি
অজ্ঞান আধারর মা..
গুমজিতাই কতি।
উঠ আজি হাবিহান
জ্বালিয়া চেই জ্ঞানর বাতি।।

(তানু) জাতেদেউ না জিঙেসি
সাদেই আমি কমনাসি।।
বুদ্ধি পাংকালেদেউ না জিঙিসি
নাজিঙিসি কামেদেউ।।
শিক্ষা আত্মসম্মন
জিঙিয়া তানু দ্বিয়হান।।
নাগনতারা মানু বুলিয়া
নিঙকরতারা বনর আত্তি।।
অজ্ঞান আধারর মা..
গুমজিতাই কতি।
উঠ আজি হাবিহান
জ্বালিয়া চেই জ্ঞানর বাতি।।

যুগে যুগে চেইতা
জেলাই জিঙেসিতা।
শক্তিরমা ভবানী
বিদ্যাত বীণাপানি।।
ধৈর্যেতে ধরণী
ভক্তিত ব্রজগোপীনি।
ঔঅংশ কলা অয়া
পাহুরলাং নিজর শক্তি।।
অজ্ঞান আধারর মা..
গুমজিতাই কতি।
উঠ আজি হাবিহান
জ্বালিয়া চেই জ্ঞানর বাতি।।

bishnupriya manipuri
bishnupriya manipuri language
bishnupriya manipuri literature
bishnupriya manipuri poems
bishnupriya manipuri unicode website