এসাদে এসাদে সিংহ আগ আছিলতা
সিংহতে কিতা?
সিংহ মানে ‘লায়ন’
অ
এসাদে এসাদে লায়ন আগ আছিলতা
………………………
ইতি মোর নাঙ “ধরা”।
এসাদে এসাদে সিংহ আগ আসিলতা
সিংহতে কিতা?
সিংহ মানে ‘লায়ন’, আমি নংশা’উ বুলিয়ার
অ
এসাদে এসাদে নংশা আগ আসিলতা
………………………
বিষ্ণু বিষ্ণু ,মোর নাঙ “দেবলা”!
তিরি সেন্ধা লালনির খানি পিসে
খাংতা লৌগ হুনলু
“ধরো, ধরো”
গাঙহান নিকদিলো – ।
দিবারা দিশাং লাককরে নুয়ারিয়া
চেপউলুগা কাদাৎ
এহানতে কিহান !
কিসাদে কুন নিমাইর মুর ফাটানিরকা
তাসেং দেহাগৎ পচারস বরেয়া
ইসালপা বর’র এ জগাইর রূপ;
দিবসহান হাঞ্জানিরে চুড়ান্ত সমাজসেবা;
উঠানহান’রে মালেমহান নিংকরের
কালিটুপী সাকপা
মাধাই আগোর তুলো !
মানাপরম’র আহিগিলো
মাতালা আমিয়া’হান দিলো
মোরে লাক্করিয়া-
বংক’নিকুলিল পরল কা’সে পচাগৎ
পচা বুলতে হুত্তুমেউ পচা- !
হে নিরায়-পাংকালপা
মোর পুঙনিঙ’র কবিবর,
আত বাড়েইলে হুদ্দা কিলানিহান থাং?
মাতিসতা
মি কিয়া তারকা দুঃখ নাকরতউতা?
