মনীষার প্রিয় মেয়েক

50889760_2275761266028583_364373609369567232_n
শহর এগর যেগদে মিল্লেঙহান যারগা তোর প্রিয় মেয়েকউতা মনীষা
তোর প্রিয় মেয়েকউতাই হাজেয়া থসে আমার শহরগ
ঙাল শহরর গলিপথ
তোর প্রিয় মেয়েক উতা দামি ব্যানারে
দামি ব্যানারে হাজেসে জিটিভির উদীয়মান কন্ঠশিল্পীগর নাঙে বিলাসী খুৎতল
ঔবাকা এ শহর এগর রেল স্টেশনে অন্ধ ভিখারি ইসালপাগ অবহেলিত অর
লৌকিক এলাহান গেয়া
তোর শহর এগর রাজপথগৎ মা লেপসে পুরিজেলা মালকগ
ভক টাটিয়ে হুকেসি সৌ
খানারতা নেই সহায় সম্বল নেই কামনেই য়ামপারা মানু লাংলাল
দিন লিৎকরতারা
তানুর মুরর গজেই বিদেশি কোম্পানির বিরাট বিজ্ঞাপনহান
বিজ্ঞাপনে আঠারোর নিঙল আগ তেইর নাঙহান ফিজেৎহান
মনীষা তোর প্রিয় আইটেম সঙহান আসচুলে চিকারি দিতারা মুঙর কাফে উগৎ
কাদার ফুটপাথগৎ বিচলিত লেইরাহান যৌবনহান গুরে নারিয়া

মনীষা গরে গরে ইংরেজি-চৌহাৎ তেনুৱা তানু হার নাপেইতারা হারপাউ নারতারা নিক্কাদিন আকেইহান আকেইহান মাঙর ইমার ঠার
বিলুপ্ত প্রজাতির সাদে মাঙয়া যারগা আমার সংস্কৃতি
আমার পুনরুথ্থানর হপন আমার হারৌপার নাসা

মনীষা তিতে কুমবাকাউ দূরেই অয়া গেলেগা এতার পৌ নাথউরি

তোর দুঃখহান এবাকা টিভি চ্যানেলর ধারাবাহিকর নায়িকাগর দুঃখর অভিনয়হানাৎ
তোর হারৌহান এবাকা টিভি চ্যানেলর ধারাবাহিকর নায়িকাগর হারৌর অভিনয়হানাৎ

বসর দুহান আগে যেবাকা পৃথিবী এহানর

50889760_2275761266028583_364373609369567232_n
বসর দুহান আগে যেবাকা পৃথিবী এহানর খারাপ সময় আহান অকরেসিল
কাদাৎ মানু আগ নেই মারূপ আগ নেই হারৌর বৌবানা নেই
ঘুমর কুন ঠিকানা নেই ঔ দিন উতাৎ
কুমবাকা কিসাদে মোর লগগ অয়া আইলী কবিতা, বৌ নাপাসু

এবাকা কবিতা মোর হপনহান কবিতা ঝীবনহান
কবিতারে এরেদিয়া জিংতা অনা নার
কবিতা মোর জিংতা অনিহান
কবিতারকায়
মরণ ফঙয়া মোরে কারলয়া নিয়া নারেরগা
পৃথিবীর রঙ্গমঞ্চগৎ যদি মি কুনদিন
নায়ক’গ অ পারুরি নেপথ্যন নায়িকা’গ কবিতা
নিঠুর পাষানহৃদয় পৃথিবী মোরেল কৌতুকতা করলেউ
মোর বিশ্বাসর মাড়াগ মাটিহানাৎতা উসুলেয়া জনমকারকা বেলাদেনা মনেইলেউ
দুরেইত উবা অসে ঠেঙারা আগর বয়স-সমান ইমপানিল
মি কবিতারে বানা পেয়া থাইতউ

সেন্দা ৫:৪০

হুকানা ডুঙ্গার বেড়হান লালয়া পিছির দারিগত
চেকচিল মাদানপরহান
তিঙা ফুতি সার দেনার পালাংগদ
আয়া লামেরগা গাটর পারগর আদারহান
নিকাসি খাটাঙে বিবুলা মরকসিজার বাগা খাংহান
খবলশপাৎ পলাসেগা মগ্নতা
কিৎতাউ নাদেহিল সটন
দিয়া উবা অয়া থাইতারা
সৌন্দর্য আহি মেলিয়া দেহিমক’ বুলিয়া
সেন্দার জাঙআতমুরনেই সেয়াগর পিঠিত
আদারহান আয়া চেপরগা

ঔবাকা মুঙর পথগত প্রেমিব চেরৌ আগ বাসেয়া
থার
ধূপর গৎহানর তুল য়ারিপরি দেনারকা।

শ্লীলতাহানির পৌহান পাকরতেগা যেহানি দেহিয়ার

শ্লীলতাহানির পৌহান পাকরতেগা
মুঙে মোর প্রেমিকার মেইথঙহান
তেইর সানেসে চুলগল ডিগালি পাথারি খেলাসে পাগালা বৌহানে

হমাজি বিমলার খুড়তাক উগ হরপগর সাদে
আরাকৌ দ্বি তিনজোড়া আহি আদারগত উনা অসিলাগা
বারে জিঙিয়া গেসিলাগা

ঔ জিঙানির মুকসিহান তানুর খৌরাঙমিঠালৌনেইবুকে
লৌনেই তেবঔ নিককরণ আহান দেসিল পঞ্চমী হাকহা
সেনদার ইনচিক নেড়ার লপুকগ।

শ্লীলতাহানির পৌহান পাকরতেগা
আরাক শ্লীলতাহানি আহান
মেয়েকগর বিতরে     আশ্চর্য লেভাময়।