অন্তর্দ্বন্দ্ব

532063_261851087293470_515829949_nদিনহান লমইতেগা সেন্ধা পেয়া ব্যস্ত থায়া
রাতি ঘুমে হমেইতেগা প্রশ্ন করের মন
এহানে কিতা কিতি করলুতা দিন এহান?
আচানকর কথাহান যেতা যেতা করলু
হাবিতাৎ খুৎ পার প্রশ্নকারী মন এহান!
আহিথমে আয়া বেড়ারগা লু মিঙালর
সাংলেল পৌহান; কঙালা অয়া আঙকরের
পারলুনেই বুলিয়া মোরাংত মি’রে মুক্ত
করানি। মি বুলিল ভাব এহান মানুর হাবিত্ত
শাক্তিহান। স্মরণ করাদের মোর চিন্তারউ
নিয়ম শৃঙ্খলা আহান আছে; এ নিয়ম
শৃঙ্খলারে মানিয়া চলানির অর্থহান শৃঙ্খলিত
অনাহান নাগই; বরং অজ্ঞানতাবশতঃ
বস্তুজগৎ এহানর নিয়ম বহির্ভূত পথেদে
চলিয়া নিজরে উচ্ছৃঙ্খল করানিহান।
জাগতিক হাবিতাই কার্যকারণর সম্পর্কৎ
গাঠি বাধিয়া থার; এ গাঠি মুকা মুকা মানুর
সভ্যতার ইতিহাস; এ নিয়ম শৃঙ্খলারে
উপয়া বুঝিয়া জীবন পরিচালনার ইতিহাস।

প্রশ্নকারী মন এহানে চারতা স্বাধীনতা।
প্রয়োজনর স্বীকৃতিই স্বাধীনতা। পরিবর্তনর
নিয়মরে বুদ্ধিপূর্বক মানিয়া তার গতিপথে
সামিল অনাই স্বাধীনতা। প্রতিক্রিয়ার
দাসত্বত্ত মুক্তিই স্বাধীনতা। এ মুক্তি নিজর,
মানুর, সমাজর