ছড়াপর্ব্ব (খ-ছ)

খ.
খলসপাহাৎ কলার লৌহান
নার মজিয়াউ কানা
বাদর দাপা মালিক থাংতে
ভাগ কীসাদে পানা।

গ.
গম ফলিয়াউ খানারতা গম
নুয়ারল থনা গপেশে
গম-গমাগম করে হাবি গম
লইল বেপারী গনেশে।

ঘ.
ঘরগো থয়া বারে গুমার
কিহান ইসে থাং
নিজর ঘরে পরার মানু
মালিক ইসি থাং ?

ঙ.
ঙাচিক গরে ঙাহাক আহান
ইঙ্গ অনা দেই
সেপহান করে হিঙ্গি ধরিয়া
অবশ করে দেই।॥

চ.
চন্দন পিদে হরি বৈষ্ণব
গাঙে গাঙে সালসে
হরি হরি বুলে বুলে
পয়সার ব্যাগগো পাতেসে।

ছ.
ছয়গরে তা নয়গো করের
দিয়ো আতে বন্দুক ধরের
গাঢ়পা আহিং পিদিয়া থার
মানুর পানা দেনা নাচার।