ইম্পানি অয়া নিলেগা তি বিদায়
জাংহান থনার জাগাহান বিসারানি নাইল
জিংতা অয়া আসু ভূমিহীন অয়া
কবিতা লিখুরি বিসর্জনেত্ত তুলিয়া আনিয়া ।।
পিছলন দিয়া পড়ে যাউরিগা ঘাটর ডঙরগৎ
আকগয়ৌ না দেখতারা পড়ানি হান,
খাং লাগের তিঙা আহি দ্বিয়গি
সেইকুপ করুরি যত পুরানা স্মৃতি ।।
ডকপা নংকুপিগর চিকারি আজি ইম্পানি
জ্বি লাগেসে মর চাইরো বারাদে,
আগ্নেয়াস্ত্রর ট্রিগারে আঙুলিগ থইস
বুকগ পাতিয়া থসু রকতল হিনানিরকা ।।
