হুরকাং কালে হিকলু মিতে মানসাংক।
ডাঙর অয়া পারলু মিতে, যোগ,বিয়োগ,
পূরণ, আরতাও ভাগ অংক।।
আরতাও হিকলু ডাঙর ক্লাসে চক্রবৃদ্ধি, সুদাসল।
এতা হাবিত্ব করতে নুঙেই অংক মানসাংক।।
তোরাং আছে পাচগো কমলা, তেইরে দুগ দিয়াদে
বুললে রৌ মেলিয়া কাদানি।
মোরতা কমৈতৈ নাদতৌ তেইরে, উল্টা গিয়া ঠেলা দিয়া,বেলা দেনি।।
যোগ করলে হাবি তিলনি।
বিয়োগ করলে বাদ্ দেনি।।
পূরণ করলে দ্বিগুণ, তিনগুণ অনি।
ভাগ করলে সমান ( হঙে) বাট অনি।।
চক্রবৃদ্ধি করলে সুদে, মূলে, আরাতাও সুদ তিলনি।
এতা কিতা অংকর নমুনা হিকলাং আমি স্কুলে।
ডাঙর অয়া সংসার পাজালতে লাগিল এতা অংক
জিনার কামে।
২৯.০৯.২০১৮
