হেক এগরে চিনে নুয়ারলু আজি
ঠইগরে আংকরতে তাউ মুছল আহির পিচুম, অন্থকপা বেদিশা এরে
পথে ধুলি খারি’ল বাসিয়া থাইলু
লেইরাপা গাঙর ঝোপে-ঝারে, নেন্নাম শপার কাচা-নুংশি
গতগ সকিয়া যারগা বৌহানরে মাতুরি, তুমি চিনোরাইতা”
উত্তরর আগে আগে আধারহানে গুরে দিল তাঙর মেইথঙ।
হাব্বি কথার মেয়েক, হাব্বি এলার সুর আকিদিন
চালহানাৎ ঝরং ঝরং, আকিদিন নিংশাগির ইত্তাউ মালয়া বারো
বিতরর গরে
হেক এগরেতে চিনে নুয়ারলু, কুরাংত আহিছে হারনেই
দেহগর সপ্তসুরে নিজরে বাদানি লেপুইল, মি খামকরে নুয়ারলু।
Monthly Archives: সেপ্টেম্বর 2013
জিঞ্জিনির এলা
এতা হাবি জিঞ্জিনি থাইতে।
জোনাকহানৌ কিয়া গজে কাইতে।।
আমরে’ল নাইলেতে আধার অয়া থাক।
হাদিৎ তি গজে কায়া নাঙ পানা না’ক।।
গাটর পারে
গাটর পানি গায়ত্রীমন্ত্রর স্পর্শ সুখ পেইলে হারৌপালাজে নিক্করিরী
তেইর সাম্যবাদী মুকসিত দিশাহারা অইতারা কনাক শৌ
গাটর পারে কুশর হাদিত বহেসি লালফামী তাবু ঔতার বিতরে
দক্ষিনী নিঙল আগই ললকরেছে আচানক গুহাকল্পনা আগ অরিঙ বারো বনমানুর ছবিল
মন্ত্রমুগ্ধ পারাল তেইর কাদাত চেপইলেগা দেখলু সেলপুঙর রৌহানর সাদে বিষন্নতা আহান
তেইর আহিগীৎ
জীবন এহানরে আতেয়া চেইং বুলিয়া হাইফেন দুরেইর তেইর অনুভূতির কাদাত
পৌঅইলেগা তেই বরণহান অলয়া মোরে তিঙা দিল
এ জনমকারকা হারৌ খমকরিয়া বিরামচিহ্নর ছেয়াগৎ বহিল বিষ্ময়চিহ্ন
কাদার ঘাসফুল ঔতাই মাতলা,
কুমবাকা গুমহানর গারিগৎ বরণ দিয়া হদাছে হানৌনাপেইলাং!
মালঠেপর এলা
আরতে কতি মালঠেপ আগৎ ‘চিপাচিপি’ বহানি
লেরিক হুনাৎ বয়া বয়া ‘আহির পানিয়ৌ পুছানি’;
‘মৃতা’ আগ ‘নাইলে নাইব’ আমার ‘মহৎ ফুরতি’
‘লন্ড ভন্ড’ করিয়াহে নায় ‘দক্ষযজ্ঞ’ পুরতি।
সেনারূপরে নিন্দা করেছি ঔতারে
গুরিয়া লেহাওজার বন বতা লতে।
মাতেছি আমার সাদে আছি কইগতে।।
আকদিন মানু আয়া কাপে দিলা লত।
শাতৈল লেহাও বার বিলা বিলা গৎ।।